Goiz polita izan zuten aurreko ostiralekoa, Ereñotzuko Txirrita eskolako ikasleek. Koxka elkarteak antolatuta, ipuin kontaketaz eta tailerraz gozatu zuten haurrek. Aurrena, Oilar ttikiya eta oilar haundiya ipuina kontatu zieten; Jexux Eizagirrek euskeraz, eta Ainhoa Moiuak zeinu hizkuntzan. Moiuak, gainera, bi kanta ere abestu zizkien zeinu bidez.
Alfabetoa, zeinuekin
Eta ondoren, zeinu hizkuntzako klase bat ere eman zien Moiuak.
Horrela, alfabetoa ikasi zuten haurrek, eta beraien izenak praktikatzen ere aritu ziren. Bestelako esapide batzuk ere ikasi zituzten: egun on eta tankerakoak.