Prentsa ohar bidez, Hernaniko Udalak jakinarazi du: «Hernaniko Udaleko udal talde guztiek aho batez gaitzesten dute Europako Batasuna migranteen inguruan Turkiarekin negoziatzen ari den hitzarmena. Hitzarmen horren arabera, gerratik ihesi Europako Batasuneko mugetan pilatzen ari diren milaka eta milaka migranteak, asiloa eskatu dutenak barne, Turkiara itzuliko dituzte».
Hitzarmen hori, «Zuzenbidearen ikuspuntutik legezkoa den zalantzazkoa» dela diote EH Bilduk, EAJ-PNVk, PSE-EEk eta Orain Hernanik; «baina gizalegearen kontrakoa da».
Elkarretaratzea, Plazan
Hitzarmenaren kontra azaltzeko, hain zuzen, masta erdian jarriko da udaletxeko balkoian dagoen Europako bandera.
Era berean, agerraldia deitu dute bihar, 18:00etan Plazan, eta herritar guztiei egin diete deia, bat egiteko.