Etxekoekin izaten diren harremanak, norberaren gorputzaren inguruko hausnarketa, orientazio sexuala, nerabeen arteko harreman homosexualak edota feminismoa dira gai nagusiak, gaur, 19:00etan hasita Biterin ikusi ahal izango diren sei film laburretan. Martxoaren 8ko egitarauaren bueltan antolatu da gaur film laburren emanaldia. Pelikula hauek ikusteko aukera izan zen otsailean, Zinegoak, Bilboko Gaylesbotrans zinema eta arte esnzenikoen 13garren jaialdian.
Bi euskeraz, eta 4 azpitituluekin
Gaurkoan jarriko dituzten sei film laburretako bi euskeraz izango dira: Kepa Errastik zuzendutako Aitona Mantangorria eta Usue Eguiaren Garelako. Aurrenekoan Josu izango da protagonista, eta aitonaren iraganari buruzko sekretu baten berri izatean, etxekoekin duen harremana birplanteatzen hasiko da. Bigarrenean, LGTB kolektiboaz eta hauen bazterketaz hitz egiten da.
Beste lau filmeen jatorrizko hizkuntza portugesa, frantsesa eta ingelesa izango dira, baina euskerazko azpitituluak izango dituzte: Carolina de Azevedo eta Elena Sassiren De que lado me olhas (Nola begiratzen nauzun); Anne-Claire Jaulinen À qui la faute? (Norena da errua?); Adele Tulliren Rebel Menopause (Menopausia errebeldea); eta Kristina Kelloren Betty.
Drama izango da nagusi, baina umorea ez da faltako.