Arrakasta haundia izan dute Txantxangorri elkarteak Zanbranara antolatu dituen hiru ehiza irteerek; hala jakinarazi dute Kronikara bidali duten oharrean. Gaur egingo dute laugarren eta azken irteera, eta momentuz, elkarteko ehiztariek eta hauen txakurrek oso maila ona erakutsi dute: «bazkideek ehizatutako piezak, eman zaizkien kupoak kontuan izanda, %70 baino gehiago izan dira. Eta hori, kontuan izanda, ehiza jardunaldi hauetan eguraldia ez dutela lagun izan, eta 0ºC azpiko tenperaturak izan dituztela».