Jarri dituzte dagoeneko hiru desfibriladoreak, Ereñotzuko puntu desberdinetan: Auzo Udaleko bulegoaren sarreran jarri dute bat; Epeleko aterpean beste bat; eta Ugaldetxoko tabernaren atarian hirugarrena. Prest daude, beraz, larrialdi kasuei aurre egiteko.
Auzotarrak, prestatuta
Desfibriladoreak jarri aurretik, gainera, auzotarrak prestatu zituzten Ereñotzun. Hiru saio egin zituzten, bihotz-birika larrialdien formakuntzarako, eta lau orduko ikastaroa jasotzeko aukera izan zuten auzotarrek.
Saio horietan ikasi zuten desfibriladoreak erabiltzen ere, Donostiako erizaintza eskolako erizain talde baten eskutik. Izan ere, Ereñotzu herritik 10 minutura egonda, Auzo Udalak oso interesgarria ikusten zuen bertako biztanleak formatzea, horrelako kasuetarako.