Hitzaldi-tailerra antolatu dute, Goizuetako Eskolako jangelan: Zantzaileak zainduz. Bi saio izanen dira, eta Marian Cestau coachak emanen du. Guztira, lau ordukoa izanen da tailerra.
Aurreneko saioa etzi eginen da, astelehenean, eta bi ordukoa izanen da. Arratsaldeko 17:00etan hasi, eta 19:00etara arte luzatuko da saioa.
Bigarren saioa, berriz, martxoaren 14an eginen dute, toki berean eta ordutegi berarekin.
Bi saio izanen dira: martxoaren 7an eta 14an.
Parte hartzeko,
izena eman behar da
Hitzaldi-tailerrean egoteko interesa dutenek, aurrez eman behar dute izena, parte hartzeko. Eskolan bertan apuntatu behar da.
Hitzaldiaren antolaketan aritu dira, ‘Gurasoak’ guraso elkarteak, Goizuetako Xalto Eskola, eta Gizarte Zerbitzuen Mankomunitatea.
Segurtasuna eta
autoestima haunditzea, besteak beste
Tailerrean, hainbat arlo landuko dituzte; besteak beste, honakoak: norberaren arazoak konpontzeko teknikak, klabeak eta gaitasunak; emozioak identifikatu eta kudeatzea; norberaren segurtasuna eta autoestima haunditzea; norbere burua hobeto ezagutzea; gauzak beste modu batera ikustea; lana eta aisia hobeto uztartzea...