Iker Salaberriak indartsu segitzen du. Otarduirekin batean, 15-22 galdu zuen Etxeberria eta Alduntzinen kontra lehengoan, baina egun hauetan bestelako erronkak izanen ditu. Asteartean Bergarako lau t’erdiko finala jokatuko du 19:30etan, Jon Alberdi azpeitiarraren kontra, Rioli 22-7 irabazi ondoren, eta asteazkenean Zumarragako lau t’erdiko finalerdia, 18:30etan Aginako Aitor Arangueren konra. Hilaren 18an, berriz, Lezamako finalerdian ariko da Medinarekin, 20:00etan, Zubizarreta-Garmendiaren kontra. Bestalde, bihar Aoizen jokatuko du Xanet Apezetxea benajminak, Hugo Nagoreren kontra, eta 11:00etan Antton Apezetxeak, Barriolaren kontra. Igandean, berriz, Goizuetan izanen da alebinen finalerdiko bueltako partidua, 12:30etan: Aitzol Salaberria-Beñat Apezetxea, Oberenaren kontra. Joanekoa 18-12 irabazi zuten. Lehengo asteburuko gainontzeko emaitzak: Aizkorbe-Apezetxea 22-10 Murua-Egiguren; eta Josetxo Ezkurra Memorialean, Egoitz Elizegi 15-18 Mattin Retegi.