abian prozesuaren barruan, bigarren faseko aurreneko batzarra egin zuten larunbatean Hernanin, Ezker Abertzaleak deituta. Kronikara bidalitako prentsa oharrean azaldu dutenez, 60 pertsonek hartu zuten parte: emakumeek, gizonek, gazteek eta helduek.
Oharrean diotenez, batzarrean, batetik, azken urteetako balantzeaz eta une politikoaz eztabaidatu zuten; eta bestetik,
Abian dokumentuaren inguruan sakondu zuten: «Abian dokumentuak plazaratzen duen norabide estrategikoa mahaigaineratu zen. Eta eztabaida sakona egin eta gero, Abian txostenaren tesi nagusia bozkatu eta onartu zen».
Bestalde, gogoratu dute martxoaren 19an bigarren batzarra egingo dutela, eta bost ataletan sakonduko dutela: Ezker Abertzalearen proiektu politikoa; eskaintza independentista; garapen taktikoa; gatazkaren konponbidea; eta antolaketa.
Ezker abertzaleko kide oro gonbidatu dute batzarrera: «ekarpenak egin daitezke atal bakoitzean, eta proposamen alternatiboa aurkeztu daiteke; proposamen alternatibo horiek batzarrean bozkatuko dira. Beraz, hurrengo martxoaren 19an, Hernaniko Ezker Abertzaleko kide oro gonbidatu nahi dugu batzarrean partehartzera. Denon ekarpena eta iritzia inportantea da, gure herria independentziaren norabidean abian jarri dezagun».