Hernanik 5.000 kilo elikagai bidali ditu Tindufeko errefuxiatu kanpamenduetara

Hernanik herri eskuzabala dela erakutsi du beste behin. Urtero bezala, Udalak eli­ka­gaiak bildu ditu, Saha­rako Errefuxiatu kanpa­mendue­ta­ra bidaltzeko. Piztu itxaropena Euskal Kara­ba­naren bueltan antolatu dute ekimena, eta Biterin egin da bilketa: he­rri­tarrek, batez ere, arro­­­­­­­­­­­za, pas­ta, azukrea, le­ka­leak, atu­na, sar­dinak olio­tan eta kon­presak eman dituzte. Uda­letik jakinarazi dutenez, 5.000 kilo elikagai jaso dira aurten, joan den urtean baino 1.000 kilo gehiago; 10 paleta arropa ere, bidali dira.

«Eskerrik beroenak, herritar guztiei»
Udalak eskerrak eman nahi dizkie, modu batera edo bes­tera lagundu duten guztiei: «her­naniar guztiei gure es­kerrik beroenak adierazi nahi dizkiegu, beste behin, Saha­rako herritarrekiko eu­ren elkartasuna modu batera edo bestera agertu dutelako; eta baita ere, erakutsi duten es­kuzabaltasunagatik. Bere­zi­ki eskerrak eman nahi dizk­ie­gu bilketan aktiboki parte hart­u duten pertsona eta era­kun­deei. Horien artean daude: he­rriko ikastetxeak, supermer­ka­tuak eta kultur etxea». 
Azpimarratu dute, aurten oso jende gutxi izan dutela taldean, eta esfortzua bikoitza izan dela. Eta bide batez go­goratu dute, talde irekia dela, eta herritarrak gon­bidatuta daudela datorren karabanan parte hartzera.

Kamioiak otsaila bukaeran atera ziren
Azaldu dutenez, Donostiatik eta Bilbotik atera dira ka­mi­oiak Tindufera, otsailaren 26 eta 27an, hurrenez hurren: «7 trai­lerrek, bi kamioiek, fur­goneta batek eta beste bi ga­rrai­o­bidek osatu dute aur­tengo karabana. Kamioiak bolun­tarioek ga­rraiatu dituzte Alacanteraino, eta handik itsa­sontziz eraman dituzte Ora­ner­aino. Bertan, Sahara­rrek har­tuko dute kan­pa­men­due­taraino garraiatzeko ardura». Euskaditik 430 tona bidali dira.