Gipuzkoako Emakume Kirolariak omendu nahi ditu Diputazioko Kultura, Turismo, Gazteria eta Kirola Sailak. Denis Itsasok azaldu zuenez, aitortu egin nahi dute emakumeek kirolean eta bizitzako beste arlo batzuetan egin duten lana: «lorpen garrantzitsuak erdietsi dituzte». Horietako bat izan zen Carmen Adarraga hernaniarra. Gipuzkoan aitzindari izan zen emakume kirolaria: «emakumeek justifikatu egin behar izaten zuten beren zaletasuna, gizarteak ez baitzuen begi onez ikusten hauek kirola egitea». Adarraga Espainiako saskibaloi selekzioko kapitaina izan zen, besteak beste. Eskubaloian, Estatuko txapeldunorde izan zen; eta hockeyko jokalari bikaina ere izan zen».
Itxasok azaldu zuenez, halako errekonozimenduak beharrezkoak dira: «bidezkoa eta beharrezkoa da bere garaian Carmen Adarragak egin zuen moduan, kirolaren bidez desberdintasunari aurre egiten dioten emakumeei aitorpena egitea».
Carmen Adarraga, sariaren izena
Adarraga aitzindari izanda, sariari bere izena jartzea erabaki dute. Aurten eman da aurreneko aldiz eta Coro Fuentesek jaso du, atletismoan sekulako lana eta lorpenak izan dituen emakumeak: «Fuentes 60garren hamarkadan hasi zen lehian, eta Estatuan egon zen lehenengo atletetako bat izan zen. Garai zailak ziren haiek emakumeentzat eta emakumeen kirolentzat. Berak bideak ireki zituen». Ekitaldia astelehenean izan zen, Orona Ideon, eta emozio haundiarekin jaso zuen Fuentesek, errekonozimendua.