Morez jantzi ziren atzo, Hernaniko kaleak. Dozenaka herritarrek egin zuten bat, Marijirarekin. «Hau ez da gure bakea, Feminismoa bai!» lelopean, festa giroa eta aldarrikapen oihuak uztartu zituzten Kaxkoan barrena egin zuten bueltan. Institutuan ere, izan zen emakumeen eskubideen aldeko lanketa. Liletak taldeak antolatuta, hainbat ekintza egin zituzten goizean zehar, eta argazki bat ere, atera zuten.
Emakumeen borroka egunerokoa izaki, Hernanin hil osoan ari dira izaten ekintzak. Gaur esaterako, Sex o no sex antzezlanaz gozatzeko aukera izango dute Biterira gerturatzen direnek. Oihulari Klowneko kidea den Virginia Imaz izango da protagonista, iluntzeko 19:30etan hasita. Gaztelaniaz izango da emanaldia; Berdintasun Kontseiluak eta Hernaniko Udalak antolatu dute.
GAUR
Antzerkia: ‘Sex o no sex’
(Virgina Imaz Quijera, Oihulari Klown), Biterin, 19:30etan, gaztelaniaz. Berdintasun Kontseiluak eta Udalak antolatuta.
BIHAR
Eztabaida feminismorako
ekarpenak hitzaldia
Biterin, 18:30etan, elebietan.
Lumaltik GKE eta Udalak antolatuta
MARTXOAK 12
Kontzertua: La Furia
Tilosetan, 19:30etan, Berdintasun Kontseiluak eta Udalak
antolatuta.
Sagar moreen festa
Gaztetxean, 21:30etan. Sutu Hernani eta Bilgune Feministak antolatuta.
MARTXOAK 17
Jaialdia: Zinegoak, gaylesbotrans zinema eta arte eszenikoak
Biterin, 19:00etan, Berdintasun Kontseiluak eta Udalak antolatuta.