Hilabete baino gutxiago geratzen da 2016ko Hernaniko Olinpiadak hasteko. Urteroko legez, adin ezberdinetako talde guztiak daude deituta, parte hartzera. Horretarako izen ematea zabaldu zuten pasa den otsailean, eta bihar itxiko da horretarako epea; martxoak 10. Aker, Garin eta Goiz Argin eman behar da izena. Gainera, izen ematearekin batera, zehaztu behar dira talde bakoitzeko arduradunaren izen-abizenak eta telefonoa.
Beroketa, datozen egunetan
Aurtengo Olinpiadak apirilaren 2an hasiko badira ere, datozen egunetan giroa berotzen joateko hainbat ekintza antolatu dituzte. Bihar, asanblada orokorra deitu dute, eta taldeen izenematearen itxiera izango da. Ostiral eta larunbatean, bertso afaria antolatu dute. Martxoaren 19an berriz, mendi martxa eta bazkaria. Eta azkenik, martxoaren 31n, asanblada orokorra, Olinpiadetako aurreneko eguneko azalpenak emateko.