Emakumeen eskubideak aldarrikatzeko eguna gaur, Liletak eta Marijirarekin

Emakumeak protagonista dira gaur Hernanin eta munduko bazter guztietan. Emakumeen Na­zioarteko Egu­na ospatzeko hainbat ekitaldi ari dira izaten herrian, eta gaurtik aurrera ere, izango da aldarrika­pe­ne­ra­ko eta ospakizunerako tartea.
Liletak taldeko kideak ar­du­ratuko dira, institutuko progra­mazioaz. Goi­zean zehar ekitaldi ez­ber­dinak egingo dituzte ins­tit­utuko ikasleekin; eta argazki erraldoi bat ere aterako dute.
Arratsaldean Marijira ate­rako da Plaza Berritik, 19:00­etan. Hernaniko Koordina­do­ra Feministak antolatuta, al­da­rrikapenak eta festa giroak bat egingo dute; herritarrak ani­ma­tu dituzte, parte har­tzera.  

Hainbat ekimen, datozen egunetan
Bihar Sex no sex antzerki-ba­ka­rriz­keta egingo du Vir­ginia Ima­zek, Biterin. Os­te­gunean be­rriz, feminismoak eta zapa­tismoak dituzten pareko­ta­sunak aztertu­ko di­tuzte, besteak beste, Biterin an­tolatu duten hitzaldian. Larun­batean kon­tzertua eta sagar moreen festa antolatu dute...

EGITARAUA
Argazkia eta ekintza ezberdinak
egunean zehar
Hernani institutuan,
Liletak  taldeak antolatuta
Marijira
Plaza Berrin, 19:00etan, Hernaniko Koordinadora Feministak antolatuta.