Oso partidu garrantzitsua zuten aurretik errugbilari hernaniarrek, eta beraiek ere bazekiten. Horregatik, borroka izan zen nagusi partidu osoan zehar.
Aurreneko zatitik 10-13 irabazita joan ziren atsedenera eta bigarren zatian ere partidua Hernanik zuen eskuartean, 64garren minutura arte. Ordutik aurrera, partidua aldatzen joan zen, eta entsegu eta transformazio baten ondorioz, Pozuelo gailendu zen 72garren minututik aurrera, eta bukaera arte.
Hurrengo partidua, etxean
Atzoko porrotaren ondoren, bi aste izango dituzte hernaniarrek indarrak hartzeko. Izan ere, martxoaren 20ko asteburuan izango dute hurrengo partidua Getxoren aurka, Landaren.