Partidu garrantzitsua jokatuko dute gaur eguerdian Hernaniko senior mailako mutilek Pozueloren aurka. Pozuelo de Alarconeko Valle de las Cañas zelaiean izango da, eguerdiko 12:30etan.
Sailkapenean gora egiteko borroka
Azken aurreko postuetan dago Hernani, eta azkenekoan Pozuelo; beraz, bi taldeentzat da garrantzitsua gaur irabaztea. Eta hori lortzeko borrokatzeko gogoz dijoaz jokalari hernaniarrak.
Errugbi elkarteak jakinarazi du gaurko partidurako zein dagoen deituta. Aurrean jokatzeko: Jon Insausti, Iñaki Otxotorena, Eneko Noriega, Haritz Muñoa, Lander Meaza, Beñat Iradi, Xabier Garmendia, Iker Fuentes, Ander Gutierrez, Ekhi Aranburu, Mikel Perez eta Jon Galdeano. Eta atzerako: Igor Genua, Pello Perez, Jon Zumalabe, Iraitz Garmendia, Igor Etxeberria, Jokin Esnal, Mattin Collado, Iñaki Leonet, Oier Garmendia, Anartz Elosegi eta Aitor Lukas.
Herritarrak Madrilera, autobusean
Senior taldearentzat partidu garrantzitsua denez, Errugbi Elkarteak herritarrak animatu nahi izan ditu animatzera joateko. Horretarako, autobusa antolatu du Madrilera. Goizeko 06:00etan aterako da Atsegindegitik, eta aurrez apuntatu direnak izango dute joateko aukera.