Beste txapela bat Iker Salaberriak, Tolosan

Txapela bat kendu bezala, beste bat janzten du Iker Salaberriak. Bolada ederra darama pilotari goizuetarrak, eta aurreko larunbatean ere, nagusitu egin zen Tolosan, Zezeaga­re­kin, Miguel Soroa memorialeko finalean. 22-14 irabazi zieten, Alberdi eta Salaberriri. Zumarragan ere irabazi zuen asteazkenean, lau t’erdian, Egigurenen kontrako final laurdena (22-10). Ezin izan zuten emaitza bera lortu Antton Apezetxeak eta Aitor Aizkorbek, Zizurreko lau t’erdikoan, eta galdu egin zuten Osa eta Mataren kontra, 12-18 eta 16-18, hurrenez hurren. Elkarrekin, ordea, nagusitu egin ziren Herreran (18-16), eta naita Euskal Ligan ere, Agirremaioa eta Ibarlozaren kontra (22-14). Irabazi egin zuten Oihan Legarretak eta Egoitz Elizegik ere, Napar Jokoetan, Zugarral­de­ren kontra (18-16); eta Aitzol Salaberriak eta Beñat Apezetxeak, Larraunen kontra (18-16).
Asteburu honetan, beste lau zita dauzkate goizuetarrek. Bihar, Iruñako Oberenan ariko dira Aitzol Salaberria eta Beñat Apezetxea, 10:00etan, Oberenaren kontra; eta 17:00etan Mallabian Iker Salaberria, Otaduirekin, Etxebarria eta Alduntzinen kontra, Biharko Izarrak torneoan. Igandean, berriz, Gasteizen daukate Euskal Ligakoa Aizkor­bek eta Apezetxeak, 11:30etan, Murua eta Egigurenen kontra; eta Legasan Josetxo Ezkurra memorialekoa Egoitz Elizegik, 09:30etan Mattin Retegiren kontra. Asteartean, Bergarako lau t’erdikoan ariko da Iker Salaberria, 19:30etan, Riolen kontra.