Martxoaren 11 arte eman daiteke izena 2-5 urte arteko umeentzako Aste Santuan antolatu diren Jolas Txikiko bi saioetan. Kiroldegian egin behar da: 943 33 36 76/kiroldegia@astigarraga.eus. Aurreneko txanda hilaren 21etik 23ra izango da, eta bigarrena, martxoaren 29tik apirilaren 1era; biak, 09:00etatik 13:00etara. Kiroldegiko bazkideek edo senide bat baino gehiago apuntatzen dutenek deskontua izango dute.