Argitu Erabakia izenburupean, biharko antolatu du Gure Esku Dagok, Gabonetan bertan behera geratu zen kriseiluen festa. Iluntzeko 19:15etan askatuko dituzte Zinkoeneatik. Eta hori baino lehen, txokolatada eskainiko dute Plaza Berrin, arratsaldeko 18:30etan.
Baita argazki lehiaketa ere
Horrez gain, parte hartzaile guztiek argazki lehiaketa batean parte hartzeko aukera ere izango dute. Saridunak, Fagollaga jatetxean bi lagunentzako otordua irabaziko du.
Ereñotzun festa, 17:00etatik aurrera
Ereñotzun festa lehenago hasiko da. Arratsaldeko 17:00etatik aurrera, taloak jateko aukera egongo da. Ordu berean, txikienentzako puzgarriak jarriko dituzte, arratsaldeko 19:00ak arte. Eta jolasekin bukatu eta berehala, 19:15etan, izango da kriseiluen jaurtiketa.
Batzarra, datorren astean
Bestalde, Gure Esku Dagok egindako deiarekin bat, herritar talde bat elkartu da herri kontsultaren alde lan egiteko. Herri plataforma bat sortzea da aurreneko pausoa, eta batzarra deitu dute horretarako. Hurrengo larunbatean izango da, 11:00etan, Biterin.