Igandean jokatu zen Sevillako Zurich Maratoia, eta errekorrez betetako jardunaldia izan zen. Hasteko, sekula biano korrikalari gehiagok hartu zuelako parte; 13.000k, hain zuzen ere.
Horien artean izan zen Eva Esnaola atleta hernaniarra, eta beste behin, lasterketa bikaina egin zuen. Emakume beteranoen kategorian (F55) aurreneko postua lortu zuen, 03:06:42ko denborarekin; Espainiako errekorretik 20 segundura.
Errekor gehiago
Sorpresa gehiago ere izan ziren Sevillako Maratoian, errekor gehiago ere lortu baitzituzten, parte hartzaileek.
Hasteko, Cosmas Kiplimo Lagat keniarra izan zen maratoiko txapelduna, 02:08:14ko denborarekin; 19 segundutan hobetu zuen 2014an berak jarritako markarik onena.
Emakumezkoetan, berriz, Paula Gonzalez Berodia izan zen txapelduna, 02:31:18ko denborarekin, Joko Olinpikoetarako minimoa lortuta.
Eva Esnaola hernaniarrak 20 segundo falta izan zituen beteranoetako errekorra lortzeko. Sailkapen orokorrean, berriz, 1280garrena izan zen, eta emakumezkoetan, 40garrena.