Urnietan emango diote hasiera, bihar, Lehendakari Sariari. Guztira, bost tiraldi izango dira, eta finala Hernanin jokatuko da, apirilaren 3an. Bestalde, joan den astean, Bikotekako Txapelketako azken tiraldia jokatu zen Olaberriko bolatokian, eta Segurako bikotea izan zen txapelduna, 371 brilarekin. Sailkapeneko aurreneko hernaniarrak, berriz, Miner aita-semeak izan ziren, 360 brilarekin; M. Arrozpide eta A. Goenaga gero, 353 brilarekin; eta M. Burugain eta E. Lopetegi azkenik, 343 brilarekin.