Gizon bat atxilotu zuten igandean Hernanin, bere bikotea erasotzea leporatuta

Bere bikotea erasotzea lepora­tu­ta, gizon bat atxilotu zuten igan­dean Hernanin, eguerdiko 12:00ak aldera. Ustezko genero indar­keriagatik, atxilotuta era­­man zuen Ertzaintzak gizo­na, eta anbulategira emakumea, nahiz eta lesioak ez ziren la­rriak, azaldu dutenez.

Erasoa kondenatu du PSE-EEk
Prentsa ohar baten bitartez, era­soa kon­denatu du Herna­ni­ko PSE-EEk, eta bere «atse­kabea eta haserrea» adierazi ditu. Gai­nera, dei egin du alderdi poli­ti­ko guztien arteko paktu so­zial, politiko eta insti­tuzional bat bultzatzeko, ema­ku­­meen­ganako indarkeriaren kontra.
Sozialistek bere elkarta­su­na adierazi diote ustez era­so­tua izan den emakumeari, «azkar errekuperatzea» opaz, eta Udalari eskatu diote fa­mi­lia horren zerbitzura jar da­di­la, autoestimua berreskuratu eta bizitza berregiteko.

«Guztion obligazioa da»
Modu berean, adierazi du «guz­tion obligazioa» dela in­dar­­­ke­ri­aren kontra egitea, bai­na azal­du du Udalek ar­dura be­re­zia daukatela genero indar­ke­ria­rekin kontrako ekintzak bu­ru­tzeko. Dei egin die herna­nia­rrei ere, erasoen kontra erre­bela­tzeko, eta bere kola­bo­ra­zioa eskatu du, «erabateko des­ber­din­tasunaren» adieraz­pen ho­rrekin bukatzeko.
Azkenik, gogoratu du 016 telefono zenbakia doakoa dela genero indarkeria salatzeko; guztiz konfidentziala eta fak­turan ageri ez dena.