Denboraldi berria hastear dagoen honetan, stock azoka jarriko dute Berriak elkarteko 11 dendek, neguko denboraldiko produktuak merke-merke saltzeko.
Eguraldi onarekin, Urbieta kalean izango dira, eta bestela, Atsegindegin; ostiralean goiz eta arratsalde, 10:00-14:00 eta 16:00-20:00, eta larunbatean, goizez, 10:00-14:00. Umeentzako puzgarriak eta jolasak ere jarriko dituzte, gainera, larunbatean.
Arropa, oinetakoak, umeentzako postuak...
Denetik erosteko aukera izango da, herriko 11 dendaren eskutik: Kera, Ibai Mendi, Valen, Mahuka, Urrats, Oinatz, Ilargi, Kaixo, Eguzki, Hiru eta Kuluxkak jarriko dituzte postuak, hain zuzen.