Artea zure mundua aldatzeko ekimena jarri dute martxan Hernaniko Udalak eta Donostia 2016 Fundazioak elkarlanean. Helburua da eskualdeko 15 eta 18 urte bitarteko neska-mutilek beraien interesak, kezkak, beharrak, nahiak eta bestelakoak ekoizpen artistiko baten bitartez azaltzea.
Ekimena sakonago azaltzeko informazio-bilera bat antolatu dute. Ostiralean izango da, arratsaldeko 19:00etan, Hernaniko Biteri kultur etxean. Eskualdeko gazteak daude bilerara deituta.