Modu asko daude txokolatea egiteko, eta sekretu horiek guztiak ederki ezagutzen ditu Rafa Gorrotxategik, Joxe Mari Gorrotxategi gozogilearen semeak.
Hain zuzen, prozesu tradizionala ezagutzera emateko 20 minutuko bideoa grabatu du, eta gaur ikusteko aukera izango da Biterin, 19:30etan eta 20:00etan.
Horrez gain, Marisol Yaben hernaniarrak bildutako argazkiak ere ikusi ahal izango dira, ostegunera arte, 18:00etatik 20:00etara.
Eskola umeen bisitak
Bestalde, gaurtik ostegunera bitartean Urumea eta Inmakulada ikastetxeetako 130 ikasletik gora pasako dira Biteritik, erakusketa ikustera; tresna zaharrak ere aurkituko dituzte bertan. yy