Lau garaipen eta zortzi porrot da asteburuak utzi duen balantzea, esku pelotari dagokionean. Asteburuko onena, Ojuel eta Aizpitartek lortutako garaipena izan da. Euskal Herriko txapelketako finalerdiak jokatzeko sailkatu dira, sailkapen fasea bukatzeko jardunaldi baten faltan. Berasarte eta Pagola jubenilek lortutako garaipena ere garrantzitsua izan da; Gipuzkoa mailan, trinketean ari dira, eta garaipenari esker, jardunaldi baten faltan, ia sailkatuta daudela esan daiteke. Azkenik, Jara eta Etxarri alebinen garaipena ere aipatzekoa da; Gipuzkoa mailan ari dira, eta azken fasea jokatzeko aukera haundia dute.
Beste aldean, Tejedor-Lasa eta Apaolaza-Insausti IIren porrotak; bi bikoteek ez dute azken fasera pasatzeko aukerarik.