Urumeako Kronikak atal berria jarri du martxan, lana bilatzen eta eskaintzen dutenen arteko zubia egiteko asmoz. Zubi Lana izena du atalak, eta bertan lan bila dabiltzan herritarrek iragarkia jarri dezakete debalde. Horretarako, astero Kronikari jakinarazi behar zaio argitaratu nahi duten mezua: zertan bilatzen den lana, zertan duten esperientzia, kontakturako telefonoa... Ostiral eguerdira bitartean Kronikak mezu guztiak biltzen ditu lana@kronika.eus helbidean edo 943 33 08 99 telefonoan. Lan eskaintza bat egiten dutenei ere, debalde egiten zaie tartea, iragarki merke bat kontratatzen duten aldiro.