«Correscales martxan hartuko dugu parte, sistemaren gehiegikeriak salatu eta duintasuna eskatzeko»

prekarietatearen aurrean du­in­tasuna aldarrikatu behar dela dio Hernaniko Kaleratzeak Stop taldeak, Kronikara bida­li­tako prentsa oharrean. Bertan azaldu dutenez, ADEGIren, komuni­ka­bide askoren eta Eusko Jaurla­ritza­ren esanetan, krisialdia bukatzen ari da: «guk ordea, egu­nero ikusten dugu pre­karietateak bere horretan jarrai­tzen duela, eta gure artean nagusi izaten jarraitzen duela». 
Langabezi datuak altuak direla dio, Hernaniko Kalera­tzeak Stop taldeak: «langabezi indizeak nahiko altuak dira; kontratu berriak kaxkarrak dira; eta soldatak gero eta baxuagoak. Jendea etxebizitzetatik kalera­tzen jarraitzen dute»
Oharrean azaldu dutenez, proiektu erraldoiak eta zentzuga­beak ari dira egiten: «Abiadura Haundiko Trena, Donostiako Metroa, Erraus­tegia... Planto egin behar dugu eta kon­trako joera hartu. Gure gi­zartea benetan hobetuko duten proiek­tuak es­katu behar ditugu: lan bal­dintza duinak; sol­data zin­tzoak; erre­forma fiskala, gehien dauka­tenak gehiago or­dain­tzeko; etxe­bizitza eskuragarriak...
Arrazoi horiek medio, Co­rrescales martxan parte har­tuko dutela azaldu dute: «siste­ma honen gehiegikeriak salatu eta duintasuna eskatuko dugu. Egin­go diren ekintza guztietan parte hatzeko gonbitea luzatzen diegu hernaniarrei, eta bere­zi­ki, otsai­laren 19an, Udalean martxari egingo zaion harreran parte har­tzeko. Prekarietateak kale gorrian uzten gaitu. Duin­tasunaren alde, herriak soilik salbatzen du herria.