Gaur arratsaldean jokatuko dituzte Hernaniko saskibaloi taldeek asteburuko partidu garrantzitsuenak. Hernaniarrentzat konplikatua izango den partiduak irekiko du jardunaldia, Easo Okeletxeren aurka, 16:00etan Donostiako Paco Yoldin izango da. Junior txikiek Kiroldegian jokatuko dute Saskiaxularren aurka, arratsaldeko 16:45etan hasita, eta beraien helburua gailurrean jarraitzea izango da. Seniorrek Donosti Dolphins izango dute aurrez aurre Benta Berrin, 18:00etatik aurrera. Eta nesken partidua izango da azkena, Kiroldegian izango da 18:30etan Astigarragako Mundarroren aurka.