«Herriko komertzio txikiek erabaki behar dute azokaren inguruan»

Proposamenak egin ditu Asti­garragako EH Bilduk, azaroko plenoan behin behinekoz onar­tu ziren hiru arautegien ingu­ruan. Prentsa ohar bidez eman du proposamenen berri.
Aurrenekoa, Hots Kutsa­du­raren aurka babesteko orde­nantza da, aho batez onartu zena. EH Bilduk azaldu du, aurreko legealdian ikusi zuela behar hori eta orduan hasi zela berritzeko lanean: «baina gai konplexua denez, eskatu dugu behin betiko onarpena atzeratzea. Aldaketa haundia ekarriko duenez, hiru hilabete luzatu nahi dugu, taberna­ri­ekin eta kaltetuekin arautegia landu eta azaltzeko epea».

«Proposatu dugu, Ergobiako plazan bertakoentzako aparkalekuak jartzea»
Onartu zen bigarren orde­nan­tza, Ibilgailuen denbora mu­ga­tuko aparkamendua erre­gu­latzekoa da: «parte hartze aktiboa izan dugu horretan, eta guri esker, Udal Gobernuak aurrei­ku­si gabeko bi aparka­leku ja­rri­ko dira Ergobian ere».
Bertakoentzako aparkale­kuak jartzeko aukera ere jaso­tzen du ordenantzak, «baina EAJk ez du garatu nahi izan», dio EH Bilduk: «gutxienez, Er­go­­­biako plazan eta Kale Na­gu­si­­ko 66-72 portaletan aplika­tze­ko neurri erakargarria da. Ergo­biako plaza, auzota­rren­tzako apar­ka­lekura bideratzea pro­po­satu dugu; egunez libre, eta gauez bertakoentzat baka­rrik. Gauza bera aztertzea pro­po­satu dugu Kale Nagusian ere, Anuska inguruan. Hori bai, erabakia herritarrekin ados­tuta hartzea eskatu dugu».

«Kezkatuta gaude, azokak herriko komertzioengan sor ditzakeen arazoekin»
Salmenta ibiltaria arautzeko ordenantza ere onartu zuten azaroko plenoan, baina abste­nitu egin zen EH Bildu, «he­rri­ko komertzioengan sor ditza­keen arazoekin kezkatuta». Bost alegazio aurkeztu dizkio arautegiari; garrantzitsuena, azokarekin berarekin zeriku­sia duena: «Udalean egin zen batzarrean, komertzio txiki ba­tzuek euren zalantzak azal­du zituzten, eta horiek bide­ratzeko ahotsa izan nahi du EH Bilduk alegazioarekin».
Bi aukera planteatu ditu: komertzio txikien esku uztea azoka egiteko erabakia, kon­tsul­ta lotesle batekin; edo azo­kan ezin saltzea, komertzio txi­kiek saltzen dituzten pro­duk­tuak: «Udalaren helburua herriko komertzioa bizi­be­rri­tzea bada, ez da egokia bere aurka doazen erabakiak har­tzea. Gainera, azokako sal­tzai­le denak kanpokoak direnez, azokak herriko komertzioa biziberritzeko ahalmena oso mugatua dauka. Argi dau­ka­gu, interesgarriagoa litza­teke­ela, herriko komertzio eta baserritarren azoka izango balitz», nabarmendu dute.