Markel Sanchezek saria, gidatzen euskeraz ikasteagatik

Gidabaimenaren atal teorikoa euskeraz egiteagatik, saria jaso du Markel Sanchez astigar­tarrak. Gidabaimena Euskaraz egitasmoaren barruan, 400 euroko 11 sari zozketatu dituzte Buruntzaldean, 2015ean; horie­tako bat, astigartarren artean.
Hernaniko Otamendi auto­es­kolan atera zuen gidabai­me­na Sanchezek, baina herrika banatu dituzte sariak, eta be­rari tokatu zaio Astigarragakoa. Aurreko ostegunean jaso zuen 400 eu­ro­ko saria, Olaia Pas­to­riza eus­kera eta kultur zine­go­tziaren eskutik.

Kanpaina martxan, 2016an ere
2015ean, 113 lagunek atera zuten atal teorikoa euskeraz Buruntzaldean, aurreko urte­an baino 27 gutxiagok.
Hala ere, egitasmoarekin aurrera ja­rrai­­­tzek­o asmoa era­kutsi dute, eta maia­tzean ja­rri­ko dute mar­txan berriro, 2016 urteko kanpaina.