Hiru eguneko festa izan zuten Astigarragan, Inauterien bueltan, ostiralean hasi eta igandera arte: Herri Eskolaren jaialdia, txarangak, Euskal Inauterien konpartsa...
Eta larunbat honetan agurtuko dituzte, Kaldereroen konpartsaren eskutik. Arratsaldeko 17:30etan abiatuko dira Ergobiatik, lapiko eta zartagiei kolpeka, herriko kaleak hotsez betetzeko. Ondoren, afaria ere egingo dute, Zipotza elkartean, eta txartelak salgai daude, elkartean bertan.
Entsaioa bihar, Zipotzan
Konpartsa prestatzeko, bihar egingo dute entsaioa; 19:30etan, Zipotza elkartean.