Ezker Abertzaleak batzar irekia deitu du gaur, Biterin. Abian prozesuan murgilduta dago bete-betean, eta helburua da, Zutik Euskal Herria ebazpenetik gaur egunera arte izandakoaren balantzea egitea, eta ekinbidea hobetzea.
Ezker Abertzaleak, prozesu honetan presoek daukaten garrantzia azpimarratu du, eta prozesuetan parte hartzea aldarrikatu du. Hala, espetxeetara martxak antolatu ditu otsailaren 20an; hernaniarrak Terueleko espetxera joango dira.
Gaurko batzar irekian hiru puntu izango dituzte aztergai: 1go fasearen balantzea; espetxeetara egingo diren martxen azalpena; eta 2garren fasearen argipena.
Teruelera joateko tiketak, salgai
Hernaniarrek Terueleko espetxerako martxan hartuko dute parte, otsailaren 20an. Autobusa goizeko 07:00etan aterako da Atsegindegitik, eta tiketak salgai daude 10 euroan, Garin, Aker eta Txilin.
Herritarrek babesa, argazkiekin
Herriko taldeak babesa ematen ari dira martxari, Kronikara bidali dituzten argazkiekin. Ikusteko sakatu hemen.