Tranbia ibilbideko geltokietan A1 eta A2 autobusa hartu ahal izango da, astelehentik

Astigarragako Udalak jakinarazi duenez, Tranbia ibilbideko gel­toki berriak astelehenetik au­rrera erabili ahal izango dira; bi norantzatan dijoazen A1 eta A2 zerbitzuetako au­tobusak bertan geldituko dira: «Arrobitxulo eta Urumea Berri inguruan Asti­garragak izan duen hazkundeak sortu du geltoki berrien beharra; hemendik aurrera, bertako biztanleei garraio zerbitzua zuzenagoa emango zaie».

Zerbitzu gehiago, Astigarragatik abiatuta
Udalak azaldu duenez, A2 autobusak ordutegi berriak ere izango ditu astelehenetik aurrera. Pun­tutan, zerbitzua indartze aldera, Hernanira eta Donos­tiara au­tobusak aterako direla azaldu dute. Donostiara aterako di­ra 07:10, 08:10, 09:10, 13:40, 14:40, 17:40, 18:40 eta 19:40 ordutegian; eta Hernanira 07:50, 08:50, 09:50, 13:20, 14:20, 17:20, 18:20, 19:20 eta 20:20 ordutegian. 
Bestalde, Donostiarako sar­bi­dea azkartzearren, A2 auto­bu­saren sarrera aldatu egingo del­a azaldu dute: «autobusek Oken­do­rantz jarraituko dute, Uru­mea ibaiaren albotik, Eus­ta­sio Ami­li­bia kalera desbideratu or­dez. Gai­nera, Bizkaia pa­sea­lekuan geltoki berri bat jarriko da, Hez­kuntza Eskola Ofizi­a­laren aurrean, eta ez Sancho el Sabion, orain arte bezala».

Transbordoa, debalde
Bestalde, Udalak jakinarazi du A3 lineak zerbitzua emateari utziko diola, astelehenetik: «Gi­puzkoako Foru Aldundiak har­tutako erabakia da, ibilbidea ez baita errentagarria. 2013­ko uztailaren 1ean jarri zi­ren martxan, eta harrezkero, batazbeste, autobus bidai ba­koitzeko 3 bidaiari izan dira».
Ospitalera edo Unibertsita­te­ra joan behar dutenek, Her­na­nin al­daketa egin ahal izango dutela azaldu du Udalak: «A1-A2 autobusa hartu, eta Her­nanin G2 edo G3 autobusera transbordoa egin ahal izango dute, gainkosturik ga­be, Mugi edo Lurraldebusekin».