Aker eta Sorgina askatzeko, «misio intergalaktikoa» prestatu dute

«Hainbat iturri internazional eta espazialek Kronikari jakinarazitakoaren arabera,  Pa­si­­bo­­tasunaren Inperio gaiztoak Hernaniko Aker eta Sorgin monigoteak bahitu ditu. Kro­nikak bere konfidantzazko kontaktuetatik jakin ahal izan duenez, badira bi urte bahiketa hauek gertatu zirenetik, eta espazioko ba­soren batean atxikita dau­de. 
Hernaniko Komite Olin­pikoak gogor gaitzetsi ditu gertaera hauek eta Aker eta Sorgina lehenbailehen aska­tzeko misio intergalaktikoa martxan jarri duela adierazi du. Badirudi espedizio bat martxan jarriko duela hauek askatzera joateko. 
Azkenik, Komite Olinpi­koak jakinarazi du informazio gehiago nahi duten hernaniarrek, ostegun arratsaldean publiko egingo den bideoa ikustera azaldu daitezkela, Gaztetxera».