Otsailerako hiru saio antolatu ditu AEK euskaltegiak, Zilegi Eskolen barruan, euskera praktikatu ahal izateko. Aurrenekoa, datorren asteartean, hilaren 9an izango da: gozogintza tailerra. Zipotza elkartean izango da, goizeko 09:30etan; 3 postre prestatuko dira. Saioan parte hartzeak 5 euro balio ditu. Bestalde, Imanol Artolak, Felix, Benito Lertxundiren kantagintzari buruzko saioa eskainiko du: garai historikoa, letren zergatia, ingurunea... Saio bakarra izango da, baina bi egunen artean aukeratu ahal izango da: hilaren 10ean, 09:30etan kultur etxean, edo hilaren 11n, arratsaldeko 18:30etan, Nabarra Oñatz kaleko AEKren lokalean. Saio hauek doan izango dira. Baina bietan, gozogintza tailerrean, eta Lertxundiri buruzko saioan, izena eman behar da: zilegieskola@aek.eus edo 607 61 06 87.