Bake epaile titularra eta ordezkoa izendatzeko deialdia argitaratu du Astigarragako Udalak, 2016ko otsailaren 3ko Gipuzkoako Aldizkari Ofizialean. Otsailaren 18ra arteko epea dago postua betetzeko eskaera egiteko.
Horretarako, hainbat baldintza bete eta beste hainbat dokumentu aurkeztu behar dira.
Baldintzak eta betebeharrak
Bake epaile kargua lau urterako izango da, eta ez da titulazio berezirik eskatzen. Hala ere, hainbat dokumentu aurkeztu behar dira; besteak beste, NA agiriaren kopia, errolda agiria (Astigarragan erroldatua izan behar du), CVa tea zinpeko aitorpenak.
Era berean, hainbat meritu hartuko dira kontuan: euskeraren ezagutza maila ziurtatzen duten agiriak, edota ikasketa tituluak. Euskera agiririk ez daukanak aukera izango du Astigarragako AEKn egingo den proba egiteko, eskaera egiten badu.
Izendapena, Plenoaren esku
Behin eskaerak jasota, onartuen eta baztertuen behin behineko zerrenda argitaratuko da udaletxeko iragarki taulan, eta 10 egunez egin ahal izango dira errklamazioak. Ondoren, Plenoak egingo du behin betiko hautaketa.