Harituz elkarteak eta Udaleko Berdintasun Sailak bultzatuta, genero indarkeriaren aurkako sinbolo bihurtuko zen bufanda luze bat josteari ekin zitzaion 2014ko irailean, azaroaren 25ean ospatzen den Genero Indarkeriaren Aurkako Egunari begira.
Bufanda horrek 1.800 metroko luzera dauka dagoeneko, eta herriz herri ibili da: Asturiasen, Kordoban... Datorren hilean, berriz, Toledora joango da, eta apirilean, Valentziara.
Artilea biltzeko deia
Era berean, bufanda osatzeko zatiak munduko txoko guztietatik jaso ditu Harituzek, eta oraindik ere bufanda luzatzen jarraitzeko deia egin dute.
Horretarako, ordea, artilea behar da, eta Harituzek artile bilketa jarri du martxan. Kartela jarrita dagoen dendetan ari dira bilketa egiten. Era berean, bufandarako zatia josi nahi izanez gero, 30 zm-ko luzera izan behar du.
Informazio gehiagorako, 630 678 474 telefonora deitu.