Aurten ere izanen da festa Goizuetan, Inauterietan. Hainbat aldaketa proposatzeko bilerak egin dira aurretik, eta bilerak egiten jarraituko dute; otsailaren 19an, 18:30etan udaletxean.
Baina aurtengoan, behintzat, ohiko programarekin jarraituko dute, eta gonbitea egin dute, astearte goizetik mozorrotuta ateratzeko.
Gaur, karpa montatzeko zita jarri dute 09:00etan, eta ondoren hamaiketakoa izanen dute. Festa, berriz, bihar hasiko da.
Gaztetxoen Zahagi Dantza, hasteko
Arratsaldeko 17:00etan abiatuko dira gaztetxoak bihar, Zahagi Dantzarekin. Eta gaztetxoek bukatuta, herri osoa jarriko dute dantzan Gorka eta Olatzek, 18:30etan.
Mozorroak, berriz, motorrak berotzen hasiko dira gaueko 21:30etan eginen duten afariarekin; hurrengo egunerako indarrak hartuko dituzte.
Orain dela 25 urte ateratako mozorroetako batzuk animatuko dira aurten ere.
Mozorroak eta rockeroak, etzi
Astelehenean egun osoan izanen da festa. Goizean goiz, 08:00etan mozorroak aterako dira baserrietara, puska biltzen. Burni luzeak zorroztuta eramanen dituzte oilasko eta urdai puskak biltzeko, eta zorroak ere prest dauzkate, gainontzekoak jasotzeko. Gainera, hainbat iturriren arabera, orain 25 urte ateratako mozorroetako batzuk ere animatuko dira aurten, festara.
Mozorroak puska biltzen ari diren bitartean, berriz, plaza apaintzeko tartea izanen da 10:00etan; 11:30etan hamaiketakoa eginen da, eta segidan konpartsa aterako da, Goizuetako rockeroena.
Bazkal ondorenean ere denetik izanen da; tailerrak eta pelikula, txokolatada, dantzaldia eta mozorroen etorrera.
Mozorroak eta mariatxiak
Asteartea, berriz, mozorroen egun haundia izanen da, eta Zahagi Dantzak ere protagonismoa hartuko du. Arratsaldean, berriz, Txamukos mariatxiek alaituko dute festa.
Kontun Eguna, gaur zortzi
Festarako animorik geratuz gero, gaur zortzi ere izanen da aukera; lan pixka bat egin eta txarangak, poteoa eta kontzertua izanen dira, bukatzeko.
INAUTERIAK 2016
BIHAR, igandea
17:00, Gaztetxoen Zahagi Dantza.
18:30, Dantzaldia Gorka eta Olatzekin.
21:30, Mozorroen afaria.
ETZI, astelehena
08:00, Mozorroen irteera baserrietara.
10:00, Plazaren apainketa.
11:30, Hamaiketakoa.
Ondoren, konpartsa. Gaia: Goizueta-Rock 2016.
13:30, Gaztetxoen bazkaria.
14:00-16:30, Tailerrak eta pelikula.
14:30, Helduen bazkaria.
18:00, Txokolatada.
19:00, Dantzaldia Gorka eta Olatzekin.
19:32, Mozorroen etorrera dultzaineroekin.
22:00, Mozorroen afaria.
OTSAILAK 9, asteartea
09:00, Mozorroen gosaria.
10:10, Mozorroen eskea herrian.
14:00, Mozorroen bazkaria.
17:33, Zahagi Dantza Izkina tabernatik.
19:00, Txamukos mariatxiak karpan.
22:00, Mozorroen afaria.
OTSAILAK 13, larunbata ‘Kontun Eguna’
09:00, Karparen desmontajea.
12:30, Poteoa Igandea
txarangarekin.
14:00, Mozorroen bazkaria.
17:29, Poteoa Igandea
txarangarekin.
Gauean, Skabidean
kontzertua gaztetxean.