Mozorroen festa, hastera doa!

kolorez jantziko dira eguno­tan Gipuzkoako herriak, eta baita Her­nani ere. Inauteriak hasi­ko dira gaur, eta haurrek eman­go diote hasiera. 
Arra­tsaldeko 15:15etan izan­­­go da eki­tal­di nagusia Pla­zan. Pre­go­ia irakurriko dute, suzi­riak botako dituzte, eta on­doren, kale buelta emango dute txa­rangaren atzean dan­tzatuz eta saltoka. Horrekin lehertuko dira Inauteriak Herna­nin, eta bereziki presta­tutako ekintzei emango zaie ongietorria.

Musika protagonista, arratsaldean
Arratsaldeko 17:00etan atera­ko da Kris­kitiña dantza tal­de­ko Erral­doi eta Buru­haun­dien konpartsa, Hernani Musika Eskola Publikoko dultza­ine­roen musikaren erritmoa ja­rra­ituz.
Jarraian, 17:30etan, hasiko da Txantxariak jolas-dina­mi­zazio musikatua, Plaza Berrin.

Musika Bandaren kontzertua, 20:00etan
Egitarau ofizialean 19:30etan jartzen du, baina Hernaniko Musika Bandak 20:00etan eskainiko du kontzertua, Mi­la­grosan. Kontzertu berezia izan­go da, eta bertan, Mexi­koko doinuak joko dituzte. Egunari bukaera emateko, esku pelota partiduak izango dira kiroldegian, 20:30etan.

EGITARAUA
15:15 Jaien hasiera ofiziala Gudarien Plazan. Jarraian eskola umeak irtengo dira txarangekin. 
17:00 Erraldoi eta Buruhaundiak, Kriskitiña dantza taldearekin eta ‘Hernani’ Musika Eskola Publikoko dultzaineroekin.
17:30 Haurrentzat Txantxariak, jolas dinamizazio musikatua Plaza Berrin.
20:00 Mexiko, Hernaniko Musika Bandaren kontzertua Milagrosan.
20:30 Afizionatu kategoriako esku pelota partiduak, kiroldegian.