Bihar egingo dute inauterien hasiera ofiziala, arratsaldeko 15:15etan, Plazan. Bertan elkartuko dira herriko eskola guztietako haur eta gazteak. Pregoia irakurri, eta txarangaren atzetik aterako dira, Inauteriak alaitasunez eta dantzan hasteko.
Ondoren, 17:00etan aterako dira erraldoi eta buruhaundiak, dultzaineroek lagunduta. Eta 17:30etan, haurrentzako Txantxariak ikuskizuna egingo dute Plaza Berrin. 20:00etan, Mexikoko doinuak joko ditu Musika Bandak Milagrosan, eta 20:30etan esku pelota partiduak izango dira, kiroldegiko frontoian.
Gazteen bazkariak, larunbatean
Inauteriak ospatzeko, bi bazkari ospatuko dira larunbatean: bata, Gazte Txokoak egingo du bere lokalean, eta bestea, Sutu Hernanik antolatu du gaztetxean.
Bigarren bazkari horretara joan nahi duenak, aldez aurretik erosi behar ditu txartelak. Aker, Garin eta Zintzarri tabernetan daude salgai, 10 euroan. Menua hau izango da: makarroiak, albondigak eta gazta-tarta. Eta menu begetarianoa ere eskatu daiteke, txartela erostean.