Oporrak Bakean programa aurkeztu zuten, Gipuzkoa mailan, ostiralean. Basamortutik Euskal Herrira, Saharatik gure etxera da aurtengo lema, eta jende ezagun ugari elkartu zen aurkezpenean: Xabier Euzkitze, Porrotx, Aizpea Goenaga, Mikel Laskurain, Hassanna Aalia...
Hernanin ere, urtero egiten da deia Udaletik, Saharako umeak etxean hartzeko: «Hernanin familia askok parte hartzea gustatuko litzaiguke. Aurten, dei berezia egin dugu 11 urteko neska batentzat familia bilatu behar dugulako. Joan den urtean Hernanira etorri zen, baina orduko familiak ezin du aurten hartu».
Udaletik gogoratu dute, umeen bidaien gastua Hernaniko Udalak ordainduko duela; eta udalekuak, uztailean eta abuztuan, debalde direla etortzen diren neska-mutilentzat, goizeko 09:30etatik 13:00etara.
Kanpaina martxoaren 18ra arte egongo da, eta informazio gehiago nahi duenak Lankidetza sailean galdetu dezake: 943 33 70 17, marijo-m@hernani.eus edo Plaza Feminista. yy