Inauteriak direla eta, mozorroa prestatu eta asteburuko ekintzak antolatzeko aukera luzatu du Gazte Txokoak. Atzo hasi zuten prestaketa eta bihar arte iraungo du. Larunbatean, goizetik irekiko dute lokala, bertan mozorroak jantzi eta ekintza bat egingo dute herrian zehar, ondoren. Bukatzeko, bazkaria denen artean prestatu eta Gazte Txokoan bazkalduko dute denek batera.