Ekintzez josita dator, beste behin, otsaileko ekintzen agenda. Bihar estreinatuko da Santa Ageda bezperako errondekin, eta 27a izango da egun potenteena, lau ekintzekin.
Inauteriak pasata, ekintza gehiago
Inauteriak pasata, datorren asteburuan, egingo dira hilero egiten diren bi ekintza: Kalez Kale Kantariren kale buelta, eta Bigarren eskuko azoka. Lehena, 12:00etan aterako da Plaza Berritik. Azoka, aldiz, Atsegindegin egingo da.
Maddi Oihenart & Soka Hots Orkestra, Milagrosan
Musika gustoko duenak ere, izango du zer entzun. Azken aurreko igandean, otsailaren 21ean, Maddi Oihenart & Soka Hots Orkestrak, Doi diskoaren aurkezpena egingo dute Milagrosan. Arratsaldeko 18:00etan hasiko da, eta sarrerak otsailaren 11tik aurrera jarriko dituzte salgai.
Ipuin kontaketa eta antzerkia, azken astean
Otsailaren 24erako pare bat ekintza antolatu dituzte: bata, txikienentzako ipuin kontaketa liburutegian, eta bestea, Txotx antzerkia Goiz Eguzkik antolatua.
Sagar Lasterra eta Zuhaitz eguna, ere bai
Hiru egun beranduago, otsailaren 27an, Hernanin jada tradizioa diren Sagar Lasterra lasterketa eta Zuhaitz eguna ospatuko dira.
Horrez gain, otsailean ez dira faltako Liburutegian egiten diren solasaldiak, Biteriko erakusketak eta Gazte Txokoko denetariko ekintzak.
Otsaileko agenda
4 Santa Ageda bezpera. Santa Ageda abesbatzen irteera.
Urt. 31-Ots. 9 Inauteriak.
13 Kalez Kale Kantari. Irteera Plaza Berritik. 12:00etan.
13 Bigarren eskuko azoka. Atsegindegin.
24 Ipuin kontaketa. Maite Franko. Biterin, 17:30etan (3-4 urte) eta 18:00tan (5-7 urte).
24 Antzerki musikala: Txotx. Goiz Eguzkiko abesbatza eta antzerki taldea. Antzezle gonbidatuak: Ixiar Gurmendi eta Jose Luis Gomez. Zuzendaria: Kamen Mendiola. Biterin, 19:30etan.
27 Haur antzerkia: Azken portua. Dejabu panpin lorategia. Euskeraz. Biterin, 12:00etan. Sarrerak salgai otsailaren 16tik aurrera.
27 X. Sagar Lasterra. Herri-lasterketa.
27 Zuhaitz eguna.
Literatur solasaldiak
10 Tenemos que hablar de Kevin, Lionel Shiver. Gaztelaniaz. Dinamizatzailea: Amaia Garcia. Udal Liburutegian, 19:30etan.
16 Hodeien adorea, Yoseba Peña. Euskeraz. Dinamizatzailea: Ane Mayoz. Udal Liburutegian, 19:30etan.
Hernani’n Musik
21 Maddi Oihenart & Soka Hots Orkestra. Doi diskoaren aurkezpena. Milagrosan, 18:00etan. Sarrerak salgai, otsailaren 11tik aurrera.
Erakusketak
4 Argazki erakusketaren bukaera. Malon Henriksen. Biterin.
5-18 Txokolatearen inguruko argazki eta objektu erakusketa. Marisol Yaben. Biterin, 18:00etatik 20:00etara.
19-Mar.3 Pintura. Isabel Alvarez. Biterin, 18:00etatik 20:00etara.
Gazte Txokoa
6 Inauterietako bazkaria
10 Sukaldaritza tailerra.
21 Kutxa espaziora irteera.
23-24 Mugikorreko zorroak.
27 Txuri Urdin izotz jauregira irteera.