Asteburu ona izan da pelotari hernaniarrentzat, eta bereziki borobila nagusien mailan: irabazi egin dute hiru bikoteek. Horrela, galdu gabe eta lider jarraitzen dute Ojuelek eta Aizpitartek, Euskal Herrikoan; azken fasera sailkatu dira Urkizu eta Apezetxea, Udaberrikoan; eta sailkatzeko aukerekin jarraitzen dute Cisnerosek eta Oiagak, trinketeko Gipuzkoakoan.