Bihartik aurrera, aldaketak izango dira autobus gorriaren lineatan; A1, A2 eta A3 lineatan, hain justu, Areizaga enpresaren autobusetan.
A1 linean, aldatu egingo da Hernanitik Donostiara dijoan ibilbidea, eta geltoki berri bat izango du, Zikuñaga auzoko errotondan.
A2 linean, errefortzuak Martindegitik
A2 linean, berriz, errefortzuak jarriko dituzte Martindegitik. Zehazki, 17 joan-etorri gehiago izango ditu, hiru ordu tartetan banatuta: goizeko 07:00etatik 10:00etara; eguerdiko 13:30etatik 15:00etara; eta arratsaldeko 17:30etatik 20:00etara.
Beste aldaketa bat ere izango du A2 lineak: Donostiako sarrera aldatu egingo dute. Aurrerantzean, Bizkaia pasealekutik jarraituko du, Eustasio Amilibiatik desbideratu gabe, eta geltoki bat edukiko du Hizkuntza Eskola Ofizialaren parean, Antso Jakituna hiribidean izan beharrean.
A3 linea, berriz, kendu egingo dute, Astigarragatik Ospitaletara eta Euskal Herriko Unibertsitatearen kanpusera dijoana.
Ordutegi guztiak ikusteko, sartu konpainiaren web orrian: www.autobusesareizaga.com.