Egin du errifaren zozketa, Etxerat elkarteak. Atera ditu bost zenbaki sarituak, eta baita erreserbako beste bost ere, irabazleak agertuko ez balira. Honakoak dira sarituak (parentesi artean erreserbakoak): aurreneko saria, Kubara bidaia, 15.511 zenbakiari (55.290); bigarren saria, asteburu pasa landetxe batean, 01.929 zenbakiari (44.761); hirugarrena, sagardotegia, 08.352 zenbakiari (06.787); laugarrena, parapente hegaldia, 24.037 zenbakiari (40.878); eta bosgarrena, presoak bisitatzeko bidaia, 20.769 zenbakiari (50.501). Irabazleek, 30 eguneko epea daukate saria jasotzeko.