Aurreko igandean jarri zuten aurrenekoz, Hernanin, Betiko Market azoka. Eta beste behin ere jarriko dute, bihar bertan. Urbieta kalean izango da, eta eguraldi txarra egiten badu, Atsegindegin. Goizeko 11:30etatik arratsaldeko 20:00etara egongo da.
Mondragon Unibertsitateko ikasle talde batek jarri du martxan, Kimmu taldeak, eta Euskal Herrian zehar antolatu dituzte merkatuak, artista, diseinatzaile eta sortzailez osatutako komunitatea eginez.
Arropa, umeentzako gauzak, dekorazioa, poltsoak...
Hamabi postu egongo dira bertan, eta mota guztietako produktuak jarriko dituzte salgai: arropa, umeentzako gauzak, xaboi naturalak, poltsoak, dekorazio produktuak, bitxiak...