Josetxo Ezkurraren omenezko XVI memoriala antolatu du, beste behin, Erreka K.E.k. Eta parte hartzeko izenematea irekita da jada, otsailaren 7ra arte, bihar zortzi. Txapelketa martxoaren 6an hasiko da, eta bukaera ekaineko azkeneko astean izanen da.
Izenemateak posta elektronikoz eginen dira salaae@gmail.com helbidean, eta bertara bidali behar da izenemate orria, telefono zenbaki batekin eta posta elektroniko helbide batekin.
Txapelketan, sei kategoria
Txapelketa kanporaketa erara jokatuko da, eta igande goizetan izango dira partiduak. Sei kategoria bereiziko dira, adin tarteak kontuan izanik: umeak, 2006-2007 urtetan jaiotakoak; kimuak, 2004-2005 urtetakoak; haurrak, 2002-2003koak; kadeteak, 2000-2001 urtekoak; gazteak, 1998-1999koak; eta 1997tik behera, helduak.