Bere poza erakutsi du Hernaniko PSE-EEk, beste herri batzuetan aukera izan dutelako, hondakin bilketa sistema aukeratzeko: «inbidia sanoa ematen digute, herritarrek bilketa sistema bozkatu ahal izan duten herriek», adierazi du Ricardo Crespok, Hernaniko sozialisten bozeramaileak.
Nabarmendu dute, Legazpi eta Aretxabaletako herritarrek lortutako emaitzak, aurreko igandean, sistema bozkatzean: «Legazpin, bozkatu zutenen %68,85a azaldu zen bilketa selektiboaren alde, eta Aretxabaletan, botoen %76ak eskatu zuen kontenedoreen sistema», jakinarazi dute.
«Urrian eskatu genuen guk, horrelako kontsulta bat
egitea Hernanin ere»
PSE-EEk gogoratu du, pasa den urrian eskatu zuela horrelako kontsulta bat egitea Hernanin ere, «nola egin elkarlanean erabakitzeko asmoz. Baina EH Bildu kontra azaldu zen, eta Orain Hernani abstenitu».
Crespok nabarmendu du, Lazkaoko esperientziak, azaroan eta abenduan, erakutsi duela «posible dela kontenedoreekin berdindu eta hobetzea, atez atekoarekin lortzen den birziklapen tasa, merkeagoa izateaz gainera».
Azaldu duenez, Bergaran, Eskoriatzan, Legazpin eta Aretxabaletan aukeratu ahal izan dute bilketa sistema, soilik Udalaren eskumena dena, eta inolako oztopo legalik ez duena, «guztiok zer nahi dugun demokratikoki erabakitzeko borondate politikoa baizik. 2016an zehar, ikusiko dugu nola bozkatzen duten beste herrietan, Astigarragan adibidez. Hernaniarrek, berriz, aukera hori izan gabe jarraituko dute», kexatu da Crespo. yy