Badatoz inauteriak Hernanira, iragarpen hirukoitza egingo diete, asteburu honetan: Kaldereroek aurrena, Iñude eta Artzaiek ondoren, eta Musika Bandak azkenik.
Bihar aterako da Kaldereroen konpartsa, Elur Txori elkartearen eskutik, gaueko 21:00etan. Aurretik, 19:30etan, afaria egingo dute elkartean bertan. Gaur jarriko da lista elkartean; 8 euro dira.
Zita bikoitza, igandean
Igandean, berriz, Iñude eta Artzaiak aterako dira kalera, Urumea Ikastolak antolatuta. Eguerdiko 11:45etan abiatu, eta Kaxkoan barrena ibiliko dira, Plazan bukatzeko, ekitaldi nagusiarekin.
Plazan bertan, jarraian, Inauterietako Kontzertua eskainiko du Hernaniko Musika Bandak. 15 pieza joko dituzte, 13:15etan hasita.